काठमाडौ, वैशाख २५ - जमाना स्मार्टफोनको छ । क्यामेरा, इन्टरनेट डिभाइस (ट्याब्लेट, किन्डल, ल्यापटप) भिडियो प्लेयर सबैको काम यसैले गर्ने भएकाले तन्नेरीहरूको मोह यसमा हुनु के अनौठो भयो र ! यहाँ ती आम स्मार्टफोनको चर्चा गर्न खोजिएको हैन, जसले समान्य सेवा दिन्छन् ।
स्मार्टफोनभन्दा छुट्टै बिशेषता बोकेका छन्, ब्ल्याकबेरी सेटले । ‘ब्ल्याकबेरी स्मार्ट फोनमा मात्र हैन,’ भर्खरै बजारमा यसका ४ नयाँ मोडल भित्र्याएको टेलिटक नेपालकी मार्केटिङ मेनेजर गीता न्यौपाने (तस्वीरमा) भन्छिन्, ‘यो सेट चलाउनेले अरुभन्दा छुट्टै अनुभूति गर्छन् ।’ हुन पनि ब्ल्याकबेरी आम स्मार्टफोनभन्दा निकै फरक छ ।
यसले मोबाइलबाट इन्टरनेट चलाउनेहरूलाई आफ्नै सर्भर ब्ल्याकबेरी इन्टरप्राइज सर्भर (बीआइएस) उपलब्ध गराउँछ । नेपालमा एनसेलले यो सेवा दिदै आएको छ । क्यानाडेली कम्पनी रिसर्च इन मोसन (रिम) ले उत्पादन गर्ने यो सेटमा छुट्टै इन्टरनेट सर्भर प्रयोग गर्न सकिन्छ, जसलाई ब्ल्याकबेरी इन्टरनेट सर्भिस (बिआइएस) भनिन्छ ।
ब्ल्याकबेरीका मोबाइल डिभाइस पर्सनल डिजिटल डिभाइस जस्तै छन्, जसले बिजनेसमा भरपुर साथ दिन्छन् । डिभाइसमा रहेको फरक खालको मेसेन्जर सिस्टम ब्ल्याकबेरी मेसेन्जर (बीबीएम) ले अर्को सेट हुनेलाई हरसमय एक अर्कासग ‘कनेक्ट’ गरेर राख्छ ।
‘ब्याकबेरी सेट किन्नेलाई कोड उपलब्ध हुन्छ,’ न्यौपाने भन्छिन्, त्यो कोडलाई ‘एड’ गरेपछि दुवै डिभाइस बोक्नेहरू एक अर्कासँग सधैं अनलाइन जोडिएका हुन्छन् ।’ ब्ल्याकबेरीको बीबीएम प्रयोग गर्न अतिरिक्त शुल्क तिर्नु पर्दैन । ब्ल्याकबेरीको अर्को सुविधा हो पुस मेल ।
व्यक्तिको इमेल एकाउन्टमा नया मेल आए/नआएको हेर्न इमेल खोल्ने झन्झट गर्नु पर्दैन । इमेल आउनासाथ सेटको स्क्रिनमा ‘बिप’ गर्न थाल्छ । व्यक्तिले इमेल नहेरेसम्म त्यसले अलर्ट गराइराख्छ । ब्ल्याकबेरीमा ठूलो साइजको इमेलसमेत व्यक्तिले सजिलै प्राप्त गर्न सक्छ ।
यसको सर्भरले व्यक्तिले पठाएको ‘अट्याच फाइल’ लाई ९० प्रतिशत ‘कम्प्रेस’ गरेर सानो बनाएर ‘डेलिभरी’ गर्छ । सबैको पहुँच नपुग्ने सर्भर भएकाले यसको सुरक्षा संयन्त्र बलियो मानिन्छ । ब्ल्याकबेरीलाई पोर्टेबल मिडिया प्लेयर, इन्टरनेट ब्राउजर, गेमिङ डिभाइस र अरु पनि थुपै सुविधाका लागि प्रयोग गर्न सकिन्छ ।
विश्वमा ब्ल्याकबेरी यसका फिचरहरूका कारण लोकप्रिय छ । विश्वको छैटौं लोकप्रिय डिभाइस निर्माता रिमका स्मार्टफोनको बजार हिस्सा सन् २०११ मा २५ प्रतिशत थियो । यसको सेवा विश्वका ९१ मुलुकका ५ सयभन्दा बढी मोबाइल अपरेटरले उपलब्ध गराउँछन् ।
ब्याकबेरीको पहिचान क्वार्टी कि–प्याड हो । प्रतिस्पर्धामा टचस्क्रिन सेटहरू आएपछि उसले मात्रै आफूलाई पछाडि किन राखोस्, भर्खरै बजारमा आएका यसका सेटहरू टच–स्क्रिनयुक्त छन् । त्यसैले त सुरुमा बिजनेस क्लासको फोन मानिएको यो सेट ब्यवसायी र युवाहरूबीच लोकप्रिय हँुदै गएको छ ।
युवाहरूको क्रेज रहेकोे कम्प्युटरमा भएका सारा सुविधा समावेश गरेर रिमले मोबाइल फोनको परिभाषा फेरिदिएको छ । त्यसैले युवाहरूले आफ्नो स्ट्याटसमा ब्ल्याकबेरीलाई जोड्न थालेका छन् । ब्ल्याकबेरी आम युवामा पुग्नलाई यसको मूल्यले केही असर पारेको छ । बजारमा यसका सेट किन्न निकै खर्च गर्नु पर्छ ।
तर यसले पछिल्लो समय केही सस्ता सेटहरूसमेत बजारमा ल्याएको छ । यसै साता नेपाली बजारमा ब्ल्याकबेरी सेभेन ओएस (अपरेटिङ सिस्टम) युक्त ४ नयाँ मोडल भित्रिएका छन् । ब्ल्याकबेरी टर्च–९८१०, ब्ल्याकबेरी कर्भ–९३६०, ब्ल्याकबेरी कर्भ–९३८० र ब्ल्याकबेरी बोल्ड–९७९० अत्याधुनिक फिचरले भरिएका छन् ।
ब्ल्याकबेरी टर्च–९८१० स्मार्टफोनमा टच डिस्प्ले र स्लाइड हुने क्वेर्टी कि–प्याड छ, जसबाट प्रयोगकर्ताले उत्वृmष्ट मल्टिमिडियाको अनुभव लिन सक्छन् । यसमा १.२ गिगाहर्जको प्रेसेसर भएकाले छिटटो ब्राउज गर्न, गेम खेल्न र साामाजिक सञ्जाल प्रयोग गर्न सकिन्छ । कम्पनीले ८ जीजीको मेमोरी ‘इन्बिल्ड’ गरेको छ ।
स्पेस पुगेन भनेर नआत्तिनुस्, माइक्रो एसडी कार्डबाट ३२ जीबीसम्म मेमोरी बढाउन सकिन्छ । सेटमा ५ मेगा पिक्सेलको क्यामेरामा फ्ल्याससमेत जडान गरिएको छ । यसले स्टिल फोटो छँदैछ, हाइडिफनिसनमा भिडियोसमेत खिच्न सकिन्छ । वाइफाइ भएकाले इन्टरनेट चलाउन सजिलो छ ।
मोबाइलमा भएकामध्ये केही खोज्नु पर्यो भने टाइप गरेर सर्च गर्ने झण्झट पर्दैन । बोलेर अर्डर गर्नुपर्छ, जुनसुकै फाइलहरू, इमेल, कन्ट्याक्ट, गीतलगायतका सामग्री हाजिर हुने छन् । कर्भ–९३६० मा समेत उल्लेखित विशेषता अधिकांश छन् । यसमा सामाजिक सञ्जालहरू प्रयोग गर्न शक्तिशाली प्रोसेसरले सघाउँछ ।
यसले एचटीएमएल ५ भिडियो सपोर्ट पनि गर्दछ । कर्भ –९३६० पूर्ण टच डिस्प्ले भएको पहिलो ब्ल्याकबेरी कर्भ सेट हो । यसमा ३.२ इन्चको डिस्प्ले छ । ब्ल्याकबेरी मेसेन्जर, फेसबुक, ट्विटरलगातका सामाजिक सञ्जाल यसमा पहिल्यै इन्स्टल गरिएका छन् ।
फ्ल्याससहितको ५ मेगा पिक्सेलको क्यामरा, वाइफाइलगायतका सुविधा ब्ल्याकबेरीमा हुनेनै भए । बोल्ड–९७९० सेट चाही टच स्क्रिन र क्वेर्टी कि प्याड दुवै भएको सेट हो । यसलाई समेत आवाजको मद्दतबाट (टाइप नगरी) चाहेको खोज्न लगाउन सकिन्छ ।
शक्तिशाली १ जिगाहर्जको प्रोसेसर, उत्कृष्ट ग्राफिक्स, छिट्टो चल्ने ब्राउजरले प्रयोगकर्तालाई भिन्न अनुभव प्रदान गर्ने कम्पनीको दाबी छ । यो फोनमा रहेको कम्पास, जीवीएस र अग्मेन्टेड रियालिटीबाट संसारको कुनै पनि स्थानको जुनसुकै वmुरा थाहा पाउन सकिने कम्पनीले जनाएको ।
यसमा भएको ब्यालेन्स एप्लिकेसनले काम र गेम खेल्दाको समय मिलाउन सकिन्छ । ब्ल्याकवेरी सेटका फङसन युजरफ्रेन्डली नभएको गुनासो बारम्बार सुन्ने गरिन्छ । पछिल्ला सेट उत्पादनमा भने ब्ल्याकबेरीले त्यस्ता धेरै गुनासोलाई सम्बोधन गर्ने प्रयास गरेको छ । ब्ल्याकबेरी सेटको कालो रंग उसको मैलिक पहिचान जस्तै थियो ।
पछिल्लो पटक यसले आफूलाई रंगमा विविधिकरण गरेको छ । युवा आशांक्षालाई ध्यानमा राखेर डिजाइन गरिएको कर्ब–सिरिज इन्द्रधनुषी रंगमा छ । ब्ल्याकबेरीका सेट महँगा छन् । यसका सुविधा समेत त्यतिकै उत्कृष्ट छन् । नेपाली बजारमा १९ हजार ९ सय १० रूपैंयादेखि ५२ हजार ९५ रूपैंयासम्मका ब्याकबेरी सेट उपलब्ध छन् ।
ब्ल्याकबेरी टर्च–९८१०
मूल्यः ५२०९५ रूपैंया
ब्ल्याकबेरी कर्भ –९३६०
मूल्यः३४५४० रूपैंया
ब्ल्याकबेरी कर्भ –९३८०
मूल्यः३५९९५रूपैंया
ब्ल्याकबेरी बोल्ड–९७९०
मूल्यः ५०३९५ रूपैंया
Lila GHimire
Source - Ekantipur
0 comments:
Post a Comment
Thanx for read my post.